Во последните 24 часа во земјава битката со ковид-19 ја изгубиле 30 пациенти. Со тоа вкупниот број на починати од почетокот на епидемијата во земјава се искачи на 1 630.
Најмладите пациенти кои починале биле на возраст од 38 и 39 години, а највозрасниот имал 84 години. Сите починале во болнички услови.
Најмногу од нив – деветмина биле од Скопје (46, 54, 59, 67, 82, 67, 55, 64 и 61 г).
Шест од починатите биле од Битола (60, 77, 38, 66, 72 и 39 г), тројца од Гостивар (56, 66 и 63 г), двајца од Куманово (62 и 69 г), двајца од Делчево (66 и 68 г).
По еден починат пациент има и од Штип (72г), Велес (78г), Гевгелија (65г), Струмица (77г), Кочани (65г), Кратово (65г), Кичево (61г) и Неготино (84г).