Отстранувањето на урнатините во Бородјанка и Макаров се уште е во тек и „под урнатините сè уште ќе има тела на мртви“, додаде началникот на полицијата во регионот на украинскиот главен град
Украинските власти продолжуваат да откриваат уште тела околу главниот град Киев, повеќе од една недела откако руските војници ја напуштија областа за да се концентрираат на источна Украина.
„За жал, можам да кажам дека пронајдовме тела на 900 загинати цивили и ги префрливме на форензичарите“,
изјави на брифинг началникот на полицијата во регионот Киев, Андриј Небитов, објави Би-би-си.
Небитов рече дека повеќе од 350 од телата биле извадени од Буча – каде доказите за злосторствата доведоа до обвинувања за воени злосторства против руските трупи, кои Москва жестоко ги негира.
Отстранувањето на урнатините во Бородјанка и Макаров се уште е во тек и „под урнатините сè уште ќе има тела на мртви“, додаде началникот на полицијата.
Тој нагласи дека убиените се цивили и немаат никаква врска со воени формации.
Би-би-си кој има репортер на самото место потенцира дека не може да ги потврди овие конкретни тврдења од незавсен извор.