Повредените, вклучувајќи го и директорот, биле префрлени во локалната болница со полесни, но и посериозни повреди на лицата, стомакот и други делови од телото
Најмалку шест лица се повредени откако ученик вооружен со нож избол неколку луѓе во средно училиште во Јужна Кореја, објави „Индепендент“.
Ученикот, кој наводно бил запишан во програма за специјално образование поради интелектуална попреченост, ги нападнал наставниците и училишниот персонал во училиште во Чеонгџу, околу 110 километри јужно од Сеул, објави државната новинска агенција Јонхап.
Во нападот, како што се додава во написот, нема повредени ученици.
Повредените, вклучувајќи го и директорот, биле префрлени во локалната болница со полесни, но и посериозни повреди на лицата, стомакот и други делови од телото. Ничиј живот не е во опасност.
Осумнаесетгодишниот студент избегал во блискиот парк каде што скокнал во езерото, пренесува „Индепендент“.
Осомничениот, како што соопшти полицијата, за кратко време бил изваден од езерото и однесен во локалната болница.
Од полицијата велат дека го истражуваат мотивот за нападот.
Нападот со нож се случи три месеци откако наставник избоде до смрт осумгодишен ученик во основно училиште во Даеџон. Минатата недела, 33-годишен маж бил уапсен за смртоносно избодување жена и повредување на друго лице во супермаркет, а наводно бил под дејство на алкохол.