Исламистичката група „Исламски Џихад“ соопшти дека доколку Израел не им излезе во пресрет, вечерва нема да има примирје и прекин на огнот.
Иако прекинот на огнот требаше да стапи на сила во 19 часот, вечерва повторно се огласија сирените во неколку израелски градови, меѓу кои и Тел Авив, пренесува „Ерусалим Пост“. Додека сирените одекнуваат во Израел, палестинските медиуми јавуваат дека во израелски напад во Газа се убиени пет палестинци.
Во одредени места во Израел паднале ракети кои според Израел, доаѓаат од појасот Газа, додека пак израелската војска соопшти дека од почетокот на операцијата во петокот до денес палестинската група Исламски Џихад испалила речиси 1.000 ракети, од кои 160 паднале на територијата на Газа, додека пак од оние кои влегле на израелско тло дури 96% биле соборени.
