Министерот за здравство Танос Плеврис рече дека казните ќе бидат наплатени преку даночната администрација, а парите ќе бидат искористени за финансирање на државните болници
Во Грција стапи на сила казната за невакцинираните над 60 години во висина од 50 евра, а секој нареден месец ќе се плаќаат по 100 евра доколку во меѓувреме не бидат вакцинирани.
Околу две третини од 10,7 милиони луѓе во Грција во моментов се целосно вакцинирани, што е над просекот на ЕУ од нешто повеќе од 70 проценти.
Стапките на смртност и дневни хоспитализации се зголемени поради ширењето на сојот омикрон, додека притисокот врз одделенијата за интензивна нега благо е намален.
Министерот за здравство Танос Плеврис рече дека казните ќе бидат наплатени преку даночната администрација, а парите ќе бидат искористени за финансирање на државните болници.
„Факторот возраст е важен поради влијанието врз јавното здравје“,
изјави Плеврис за приватната ТВ Опен.
Минатата година беше воведена задолжителна вакцинација на здравствените работници, а на крајот на декември и за оние над 60 години.
Од 1 февруари потврдите за вакцинација за возрасни ќе важат седум месеци, освен ако не се прими дополнителна вакцина.
Според владините податоци, околу 41,5 отсто од 530 000 лица постари од 60 години се целосно вакцинирани.
Грција е седма во светот според староста на популацијата, мерено според уделот на населението над 65 години, покажуваат податоците на Референтното биро за население со седиште во САД.