„Во врска со пациентот кој се споменува во медиумите, според информациите од кичевската болница, станува збор за суспектен пациент кој е во добра здравствена состојба и со уредни лабораториски резултати, кај кого е дадена препорака за тестирање“, посочуваат од Министерството за здравство
Претходно вчера, ТВ Алфа според неофицијални информации објави оти во земајва има прв сомнителен случај на мајмунски сипаници, а дека во Инфективна клиника во Скопје е најавен е прием на пациент сомнителен на мајмунски сипаници
Во Клиниката за инфективни болести нема хоспитализиран пациент суспектен на мајмунски сипаници и во државата нема потврден случај на мајмунски сипаници, тврдат од Министерството за здравство, откако вчера ТВ Алфа неофицијално објави дека во земјава е регистриран прв сомнителен случај на овие сипаници.
„Во врска со пациентот кој се споменува во медиумите, според информациите од кичевската болница, станува збор за суспектен пациент кој е во добра здравствена состојба и со уредни лабораториски резултати, кај кого е дадена препорака за тестирање“,
соопшти денеска Министерството за здравство.
Во моментов, како што посочуваат од МЗ, се организира епидемиолошки тим кој ќе спроведе епидемиолошка анкета.
„До овој момент не е доставен материјал за тестирање во Институтот за јавно здравје и во државата нема потврден случај со мајмунски сипаници“,
информираат од Министерството.
Претходно вчера, ТВ Алфа според неофицијални информации објави оти во земајва има прв сомнителен случај на мајмунски сипаници, а дека во Инфективна клиника во Скопје е најавен е прием на пациент сомнителен на мајмунски сипаници.
Според изворите на телевизијата, пациентот бил од Кичево, а се очекувало вчера да пристигне на Инфективната клиника, а бидејчи кичевската брза помош одбила да го пренесе, тој со сопствено возило се упатил кон клиниката во Скопје.
Во однос на земјите од регионот каде што се регистрирани мајмунските сипаници, соседна Грција го потврди првиот случај на сипаниците на 8 јуни, а беше регистриран кај маж кој допатувал во земјата од Португалија.
Соседна Србија го потврди првиот случај на мајмунски сипаници на 17 јуни, кај лице кое допатувало во Србија од странство, а веќе на 26 јули во земјата беа регистрирани десет случаи на мајмунски сипаници.
Хрватска на 24 јуни го регистрира првиот случај со мајмунските сипаници во земјата, исто така, кај лице кое допатувало од странство, а случаи на мајмунски сипаници беа регистрирани и во Црна Гора, Словенија и во Босна и Херцеговина.
Според извештајот на Светската здравствена организација (СЗО), објавен на 27 јули, во 78 земји во светот од кои повеќето во Европа се пријавени повеќе од 18 000 случаи на мајмунски сипаници.
Мајмунските сипаници се болест која е предизвикана од вирус кој припаѓа на исто семејство како вирусот на сипаници (мали сипаници), имаат слични симптоми како останатите видови сипаници, но се многу помалку опасни. Додека вариола вера била фатална за речиси секое трето заразено лице, во случајот со мајмунски сипаници, стапката на смртност била три до шест проценти.