Владата донесе одлука да ги награди со по 10 000 евра сите членови на фудбалската репрезентација, која вечерва се пласира на ЕП
Сите членови на македонската фудбалска репрезентација, кој обезбеди пласман на Европското првенство ќе бидат наградени со по 10 илјади евра, одлучи Владата, на вечерашната онлајн седница, која почна во 20 часот.
Премиерот Зоран Заев, кој претседава со седницата во дрес на македонската репрезентација, објави за одлуката на својот фејсбук-профил.
„Македонскиот фудбал оди на Европско! Конечно, имаме историски резултат благодарение на нашата репрезентација, на нашите херои. Гордоста и посветеноста победуваат, радувај се народе“,
напиша претходно Заев.
И претседателот Стево Пендаровски вечерва и честиташе на македонската фудбалска репрезентација за победата во мечот со Грузија.
„Историски успех на македонската фудбалска репрезентација! Браво момци, се гордееме со вас! Одиме на Европско,
напиша Пендаровски на својот фејсбук-профил.
Лидерот на ВМРО-ДПМНЕ Христијан Мицкоски, исто така, честиташе за победата и пласманот на нашата репрезентација на ЕП.
„Колку сме, толку сме, токму сме. Ние сме Македонци“,
напиша меѓудругото Мицкоски на ФБ.