Новото издание на емисијата „360 степени”, во кое гостуваат новинарките Оливера Трајковска и Ана Петрушева, се емитува вечерва (26 октомври 2026 г.) од 20:30 часот на МРТ 1
По изборите во Србија, знаеме кој загуби. Поразот на Александар Вучиќ е доказ дека и власт што изгледа недопирлива може да биде победена. Дека контролата врз институциите и медиумската надмоќ не се гаранција за неограничено владеење. А, знаеме ли кој победи? Студентската листа, секако. Но, која е структурата на која граѓаните ѝ ја доверија промената? Освен противењето на Вучиќ, што ги обединува и каква Србија сакаат да изградат? Колку тежок ќе биде преминот од победа на избори до вистинско преземање на институциите? За пресвртот во Србија и неговото значење за регионот, во „360 степени“ на МРТ 1 разговараме со две новинарки – Оливера Трајковска, авторка на емисијата „Вин-вин“ на ТВ Телма и Ана Петрушева, директорка на БИРН Македонија.
Емисијата се емитува од 20:30 часот на МРТ 1.