Сите лидери на земјите учеснички – Словенија, Хрватска, Србија, Црна Гора, Северна Македонија, Босна и Херцеговина и Косово – се поканети на самитот
На 29 јуни, во Брдо кај Крањ, ќе се одржи годинешниов самит на Процесот за соработка на Западен Балкан „Брдо-Бриони“.
Со тоа се одбележува 10-годишнината од иницијативата, потврди кабинетот на словенечкиот претседател Борут Пахор.
Сите лидери на земјите учеснички – Словенија, Хрватска, Србија, Црна Гора, Северна Македонија, Босна и Херцеговина и Косово – се поканети на самитот.
Кабинетот на Пахор нагласи дека постои шанса сите да присуствуваат, под услов епидемиолошката состојба тоа да го дозволи.
На состанокот се очекува да се стави акцент на актуелната состојба во регионот, изгледите за членство во ЕУ за Западен Балкан и регионалната политика. Предвидени се и билатерални состаноци.
Минатата година, Тирана беше домаќин на самитот „Брдо-Бриони“.