Денес во Битола се регистрирани 5 позитивни лица на ковид-19, меѓу нив се и две дечиња на возраст од 1 и 4 години, соопшти Центарот за јавно здравје (ЦЈЗ)-Битола.
Останатите позитивни лица се на возраст од 38, 39 и 45 години.
„Сите лица даваат податок за контакт со друго позитивно лице и се поврзани во фамилијарни кластери. Од контактите на новорегистрираните лица, за 8 лица е даден предлог за здравствен надзор и домашна изолација до Државен санитарен и здравствен инспекторат (ДСЗИ)“,
велат од ЦЈЗ-Битола.
Сега, вкупниот број на активни случаи во Битола изнесува 63. Денес се регистрирани и 4 оздравени лица и еден смртен случај кај лице на возраст од 73 години кое беше хоспитализирано во ГОБ „8 Септември“-Скопје.
Во Демир Хисар, за чија територија е надлежен овој ЦЈЗ, денеска е регистрирано едно позитивно лице на возраст од 70 години, а од неговите контакти за 2 лица е даден предлог за здравствен надзор и домашна изолација до ДСЗИ. Вкупниот број на активни случаи во Демир Хисар сега изнесува 25.
Во Ресен, пак, има еден регистриран случај на возраст од 56 години, а регистрирано е и едно оздравено лице. Новорегистрираното лице не дало податок дека контактирало со друго позитивно регистрирано лице. Од неговите контакти за 1 лице е даден предлог за здравствен надзор и домашна изолација до ДСЗИ. Вкупниот број на активни случаи во Ресен сега е 32.
Во Кичево денеска има нови 11 позитивни лица од кои четири се на возраст од 41 до 50 години, три на возраст од 51 до 60 години, две на возраст од 21 до 30 години и по еден во возрасните групи 11-20 и 61-70 години. И овие пациенти не дале податок дека биле во контакт со друго позитивно лице. Денеска во овој град се регистрирани и 14 оздравени лица.
Со новите случаи, во Кичево моментално има 79 активни.