Спасовски молчи за акцијата на ДЕА, уапсен шоферот на Трајче Заев, а Трајче Заев избегал во Дубаи, се наведува во насловот на соопштението што опозицијата го објави утрово
ВМРО-ДПМНЕ утрово пласира информации дека Трајче Заев, братучед на премиерот Зоран Заев избегал во Дубаи, по меѓународната акција во која се запленети 200 кг.марихуана, за што се приведени и осомничени шест лица. Опозициската партија го објави и името на лицето за кое тврди дека е меѓу уапсените затоа што го предводел транспортот на дрогата, заедно со командирот на полицијата во Прилеп.
„После цел ден молк, МВР на Спасовски призна дека во текот на акција за спречување на шверц на дрога, предводена од американската ДЕА, уапсен бил личниот шофер на Трајче Заев, братучедот на Зоран Заев. Личниот шофер на Заеви, Александар Ушилковски, заедно со командирот на прилепската полиција Кире Спиркоски – Чипсио, директно поставен од Оливер Спасовски, го предводеле транспортот на нарко пратката во белото комбе со грчки таблици. Во комбето имало марихуана, омилениот бизнис на Заеви, во вредност од 800 илјади евра. Пратката со марихуана тргнала од фирмата ‘Медика 420’ од Битола. Патем оваа фирма се поврзува директно со фамилијата Заеви. Оттука логично се поставува прашање дали и кога братучедите на Заеви ќе бидат испитани за овој нарко криминал кој го прекина американската ДЕА? Исто така, треба да одговорат дали Трајче Заев, братучедот на Зоран Заев, е во Македонија или избегал во Дубаи“,
се наведува во соопштение што утрово го објави ВМРО-ДПМНЕ.