Ребалансот, како што велат од паријата, е изгласан така како што бил предложен од градоначалничката и Градот Скопје, а дополнет со амандмани предложени од ВМРО-ДПМНЕ за помош на ФК „Вардар“, за субвенции за социјално ранливи категории граѓани и за други инфраструктурни проекти
Претходно денеска, пак, скопската градоначалничка Данела Арсовска на прес-конференција информира дека градскиот буџет е блокиран, а вината за тоа ја посочи во советничката група на ВМРО-ДПМНЕ, којашто според неа, поднела нстручни и несоодветни амандмани на ребаланс на буџетот
Неспособноста на Данела Арсовска и нејзината желба да прави политика дури и од носење ребаланс се причините поради блокираниот буџет, а не поради ВМРО-ДПМНЕ, реагираат попладнево од паријата, откако скопската градоначалничка обвини оти ребалансот на градскиот буџет бил блокиран поради амандманите кои биле поднесени од советничката група на ВМРО-ДПМНЕ.
Ребалансот, како што велат од паријата, е изгласан така како што бил предложен од градоначалничката и Градот Скопје, а дополнет со амандмани предложени од ВМРО-ДПМНЕ за помош на ФК „Вардар“, за субвенции за социјално ранливи категории граѓани и за други инфраструктурни проекти.
„Ставките од кои се црпеа овие средства се истите кои беа ставени на увид од градот Скопје. Арсовска е должна да каже зошто се потрошени повеќе средства од тоа што е прикажано, и зошто не ја прифати отворената понуда на поранешниот министер за финансии и актуелен претседател на Совет Трајко Славески да се состави амандман со кој ќе се изнајдат средствата кои се потребни за исполнување на амандманите“,
велат од ВМРО-ДПМНЕ.
Според партијата, наместо да го доведува градот во ситуација на блокада, а за тоа да го обвинува ВМРО-ДПМНЕ, градоначалничката Арсовска треба да почне да ги решава проблемите во Скопје.
„Не се вистина тврдењата дека буџетот е блокиран поради ВМРО-ДПМНЕ, туку тој е блокиран поради неспособноста на Арсовска и желбата да прави политика дури и од носење на ребаланс“,
додаваат од паријата.
Претходно денеска, пак, скопската градоначалничка Данела Арсовска на прес-конференција информира дека градскиот буџет е блокиран, а вината за тоа ја посочи во советничката група на ВМРО-ДПМНЕ, којашто според неа, поднела нстручни и несоодветни амандмани на ребаланс на буџетот.
Според неа, лицемерието и деструктивноста на советниците на ВМРО-ДПМНЕ има само една и единствена цел, а тоа е, како што рече, блокирање на Скопје.