Со предложените дополнувања на Законот, според опозициските пратеници, ќе им се помогне и на граѓаните што се заразиле со ковид-19, но и на оние со друга болест, кои предлго се на листа на чекање во јавното здравство
Пратеничката група на ВМРО-ДПМНЕ најави дека денеска ќе поднесе предлог за дополнување на Законот за здравствена заштита, со цел да се предвиди рефундирање на разликата во цената помеѓу приватното и државното здравство на граѓаните што се лекувале од ковид-19 во приватните болници.
„Дополнително, предлагаме сите кои нема да можат да бидат примени во државна установа да можат да отидат во приватна болница, каде што ќе бидат лечени по цени исти како и во државното здравство.
рече пратеникот Петар Ристески, на денешната прес-конференција во Собранието.
Исто така, со дополнувањата на Законот за здравствена заштита, ќе предвидиме граѓаните со хронични и други болести, кои повеќе од 60 дена се на листа на чекање за некоја операција или друга здравствена, дијагностичка и интервентна услуга во државното здравство, да можат да отидат во приватна болница, а услугата да ја платат по цена како во државното здравство“,
Според него, илјадници граѓани мораа да се лекуваат во приватни болници, за што биле принудени да платат и до 15 илјади евра. Некои, вели, ги даваа последните пари, некои подигаа кредити, а некои собираа донации.
„Неспособноста на Венко Филипче и на Зоран Заев ги втурна граѓаните во страшна сиромаштија. Граѓаните не можат да се тестираат на време, немаат пари за лекови, се чека за место во болниците и затоа Македонија се наоѓа помеѓу првите земји во црната статистика за смртност од ковид-19.
рече Ристески.
Сметаме дека под итно мора да им се излезе во пресрет на граѓаните и со овој предлог-закон да се помогне, пред сѐ финансиски, и на граѓаните што се заразиле со ковид-19, но и на оние што се мачат со некоја друга хронична болест, а поради пандемијата предолго се ставени на листата на чекање“,