Преку измени на Законот за здравствена заштита ќе биде предложено цените на приватните болници да бидат изедначени со референтните цени утврдени од Фондот за здравствено осигурување, најави министерот за здравство Венко Филипче.
Овие измени доаѓаат на предлог на Главниот координативен кризен штаб и ќе се најдат денеска на владина седница.
„Со измените во Законот дијагностицирање и лекување ковид-пациенти предлагаме цената да се движи од 40 000 до 305 000 денари. Државата, освен што има овластување да склучи договор со приватните болници преку Фондот за здравствено осигурување, може да постави и лимит за максимален износ на едно приватно лекување од ковид-19“,
вели Филипче.
Додава дека регулирањето на цените е неопходно за да не случи приватните здравствени установи да останат недостапни за огромно мнозинство граѓани во земјава.
„Ги повикувам сите пратеници во Собранието да дадат поддршка на оваа регулација на цените за здравствени услуги на ковид-пациенти во приватните болници. Во време на пандемија од клучна важност е пратениците да го изгласаат оваа законско решение со кое цените за третман на пациенти во приватните болници ќе бидат финансиски издржливи за сите граѓани“,
напиша Филипче.