Опозициската ВМРО-ДПМНЕ прашува дали во акцијата што вчера се спроведе од страна на Министерството за внатрешни работи и американската ДЕА е уапсен и роднина на премиерот Зоран Заев. Во акцијата беше запленета дрога во вредност од 800 илјади денари, а беше приведен и висок полициски службеник од Прилеп.
„Заев да одговори дали е точно дека запленета е дрога од ДЕА во вредност од 800 илјади во бело комбе со грчки таблици, е во сопственост на фирма која е партнер во битолската фирма за канабис ‘Медикал 420’. Пратечки возила на дрогата биле управувани од возачот на Трајче Заев (прв и најблизок братучед на премиерот Заев) и Кире ‘Чипсио’ Спиркоски кој е близок до СДСМ и Оливер Спасовски и е командир на полициска станица Прилеп. Дали е уапсен шоферот на Трајче Заев токму во оваа акција?“,
прашува ВМРО-ДПМНЕ.
Веста за полициската акција прв ја соопшти министерот за внатрешни работи, Оливер Спасовски, кој соопшти дека се одвивала во соработка меѓу македонската полиција и Американската агенција за борба против наркотици – ДЕА.