Командир на полициската станица во Прилеп е меѓу уапсените во голема полициска акција во која е запленета дрога вредна над 800 000, објавија повеќе медиуми.
Веста за акцијата денеска попладне ја соопшти министерот за внатрешни работи, Оливер Спасовски, кој конкретно не ја посочи позицијата туку напиша дека меѓу уапсените е и висок полициски службеник.
Македонските органи акцијата ја спроведуваат заедно со Американската агенција за борба против наркотици – ДЕА.
Утре, според најавите, МВР ќе одржи и прес-конференција на која ќе излезе со официјални детали за акцијата.