Утре почнува комисиската расправа
Опозицијата поднела околу 170 амандмани на новиот ребаланс на Буџетот, соопшти пратеникот од ВМРО-ДПМНЕ, Тимчо Муцунски во интервју за Сител во пресрет на утрешниот почеток на комисиската расправа.
„Тие се поврзани меѓу другото со повеќе средства за инфективните одделенија ширум Македонија и инфективното одделение во Скопје, и проекти за намалување на загаденоста. Продолжува тој дијалог во Собранието, ние активно учествуваме во подобрување на тој ребаланс на Буџетот, од страна на Владата ќе видиме колкав е капацитетот за дијалог во интерес на граѓаните, а од гледна точка на парламентарна процедура уште утре ќе видите дека Собранието тековно функционира“,
рече Муцунски.
Муцунски додаде дека опозицијата својата поддршка за предлог законот ја условува со прифаќањето на амандманите.
Владата го најави вториот ребаланс како неопходен за финансирање на четвртиот пакет антикризни економски мерки.