Од Владата информираат дека предлог-одлуките за продолжување на рокот на кризните состојби со топлинска и електрична енергија, како и можност за користење на алтернативно гориво и состојбите на пазарот на топлинска енергија, ќе бидат доставени на разгледување и одлучување до Собранието
Поради недостиг на топлинска и електрична енергија, Владата на денешната седница ги усвои предлозите за продолжување на кризната состојба во снабдувањето со топлинска енергија на подрачјето на Град Скопје, како и во снабдувањето со електрична енергија на целата територија на земјава до 30 април идната година.
Предлог-одлуките што се усвоени на владината седница се во согласност со заклучоците, мерките и препораките на Управувачкиот комитет за координација и управување во системот за управување со кризи, информираат во владиното соопштение.
„Согласно тоа, беше прифатен предлогот за продолжување на кризната состојба во снабдувањето со топлинска енергија на подрачјето на Град Скопје, заради недостиг на топлинска енергија, можност за користење на алтернативно гориво и состојбите на пазарот на топлинска енергија, до 30 април 2023 година. Воедно, беше прифатен и предлогот за продолжување на кризната состојба во снабдувањето со електрична енергија на целата територија на Република Северна Македонија, до 30 април 2023 година заради недостиг на електрична енергија и состојбите на пазарите на електрична енергија“,
се наведува во владиното соопштение.
Од Владата информираат дека предлог-одлуките за продолжување на рокот на кризна состојба, како и можност за користење на алтернативно гориво и состојбите на пазарот на топлинска енергија, ќе бидат доставени на разгледување и одлучување до Собранието.