На 1 април Владата на донесе Одлуката за постоење на кризна состојба на дел од територијата на државата, заради висок ризик од зголемен обем на влез и транзитирање на мигранти низ територијата и заради заштита на јавното здравје од илегална миграција во услови на постоење на пандемија, најмногу до 30 дена
На предлог на Управувачкиот комитет за координација и управување во системот за управување со кризи, на денешната седница Владата ја утврди Предлог-одлуката за одобрување на продолжување на рокот за постоење на кризна состојба на територијата на целата држава, и на Собранието му предлага да одобри продолжување на рокот за постоење на кризна состојба до 31 декември 2021 година.
На 1 април Владата на донесе Одлуката за постоење на кризна состојба на дел од територијата на државата, заради висок ризик од зголемен обем на влез и транзитирање на мигранти низ територијата и заради заштита на јавното здравје од илегална миграција во услови на постоење на пандемија, најмногу до 30 дена.
Оваа одлука Владата ја донесе за да може да се врати Армијата на северната и јужната граница, која беше повлечена откако на 31 март заврши прогласената кризна состојба поврзана со мигрантската криза која беше на сила изминатите шест месеци, а поради блокадата на Собранието таа не беше продолжена.
Поради ова претседателот Пендаровски побара од началникот на Генералштабот да ја повлече војската од јужната и од северната граница, бидејќи со истекот на одлуката нема правна основа за ангажман на Армијата во обезбедување на државната граница.