Владата на денешната седница донесе Одлука за дополнување на Одлуката за отворање на посебна наменска сметка за лицата кои не ги ажурирале податоците до законски предвидениот рок и кои заради тоа не се најдоа на листата за финансиска поддршка.
Инаку, по 6.000 денари добиваат граѓани со низок доход, корисници на пензија, корисници на право на социјална сигурност на стари лица, млади лица, самохрани родители, деца без родители и родителска грижа, уметници и други лица кои вршат дејност во културата, филмски работници и естрадни уметници.
Парите се наменети за купување домашни производи. Оваа финансиска поддршка за граѓаните се доделува за справување со економските последици од пандемијата со коронавирусот.