Владата ги објави фирмите што зеле пари од државата, а не им дале плати на работниците

Од Владата најавија дека ќе побараат Обвинителството да покрене постапка за утврдување кривична одговорност против одговорните лица во компаниите

Владата ги објави имињата на фирмите кои зеле финансиска поддршка од државата за исплата на плати на вработените, но не им ги исплатиле на работниците.

Списокот со компании е тешко читлив и во него не е конкретно посочено колку пари зела секоја од фирмите.

Подоцна вечерва, Владата објави нови документи, овојпат во „читлив“ формат.

Каде има најмногу газди на кои им „текнало“ да ја злоупотребат државната помош?

Според УЈП, станува збор за 708 компании кои за април и мај зеле околу 385 000 евра од државата за субвенции на платите, но не им ги исплатиле на нивните вработени.

Дека фирми ја злоупотребувале државната помош за корона-кризата откри на прес-конференција директорката на Управата за јавни приходи (УЈП), Сања Лукаревска.

УЈП открива: Добиле државна „корона-помош“ за плати, ама не им ги дале на работниците

Од Владата најавија дека ќе побараат од Обвинителството покренување постапка за утврдување кривична одгворност против одговорните лица во компаниите.

Дел од фирмите под притисок на јавноста вчера почнале да ги исплаќаат платите за работниците, а синдикалните организации побараа кривична одговорност и најстроги санкции за сите кои ја злоупотребиле помошта од државата.

Синдикатите бараат УЈП да ги казни фирмите и присилно да им се исплатат платите на работниците