Вечерва во тетовскиот ковид-центар се случи огромна трагедија во која поради експлозија и пожар има десет жртви, а оваа бројка може да порасне, велат од Владата
Пожарот во Ковид-центарот во Тетово е изгаснат, лекарите се борат за живот плус, а во тек е детална истрага, соопштија од владата по вечерашната трагедија во која беа загубени најмалку десет човечки животи.
Владиното соопштение следува откако имаше итен кризен штаб кој се одржа во Тетово и во истото од Владата наведуваат дека бројката на жртви може да порасне.
„Вечерва во тетовскиот ковид-центар се случи огромна трагедија во која поради експлозија и пожар има десет жртви, а оваа бројка може да порасне. Противпожарните и медицинските служби реагираа веднаш, пожарот е изгаснат, а во тек е акција на здравствените служби за спасување на секој загрозен живот. Владата изразува најдлабоко сочувство до семејствата и блиските на починатите и посакува брзо закрепнување на повредените“,
пишува во владиното соопштение.
Од Владата најавуваат дека за утре во 10 часот е закажана и итна и вонредна седница посветена на решавањето на трагедијата во Тетово.
*Поврзани вести:
ФОТО: Пожар во модуларната болница во Тетово
(ФОТО+ВИДЕО): Изгоре модуларната болница во Тетово, има и жртви
Најмалку 10 загинати во пожарот во Тетово
Заев, Ахмети, Филипче не дадоа изјави, заврши седницата на кризниот штаб во Тетово
Пет обвинители го истражуваат пожарот во модуларната ковид болница во Тетово