На денешната владина седница донесена е одлука за олеснат влез на украинските државјани, како резултат на воената инвазија што се случува таму, информира владиниот портпарол Душко Арсовски.
„На украинските државјани им се овозможува олеснет влез, односно нема да им биде потребен негативен ПЦР-тест на граничните премини“,
истакна Арсовски.
На украинските државјани кои во моментов престојуваат во Македонија ќе им се овозможи продолжување на престојот, информираат од Владата.
Арсовски дополни дека во моментов се прави анализа за сместувачките капацитети кои би биле понудени, а ќе има и помош за Украина во здравствениот сегмент, особено во делот на донирање единици крв.
Владините портпароли истакнаа и дека Северна Македонија е свесна за бегалската криза и ќе им излезе во пресрет на бегалците од Украина согласно капацитети со кои располагаме.