ВМРО-ДПМНЕ го започна протестот за поскапувањето на струјата, на кој партискиот лидер Христијан Мицкоски повика пред два дена.
Со македонски знамиња и знамето од Вергина, неколку стотина граѓани досега се собраа пред Министерството за правда.
„Заев полни џеб, народот без пари”, е еден од транспарентите кои ги носат демонстрантите, а дел од нив се и со црвен картон во рацете.
Некои од нив носат и испечатени фотографии на кои е заокружен првиот човек на Регулаторната комисија како се наоѓа во седиштето на СДСМ.
Поголем дел од присутните носат маски, но има и такви кои ги држат на врат или воопшто не носат.
Од овде тие тргнаа кон Регулаторната комисија каде е предвидено и обраќање на Мицкоски.
Мицкоски ја предводи толпата која носи транспарент „Скапа струја, сиромашен народ“.
Додека се движат, учеснците на протетот извикуваат: „Мафија“, „оставка“, „лопови“, „мафија на робија“.