Суданската војска соопшти дека во инцидентот загинале неколку воени лица и цивили, но не наведе повеќе детали
Четириесет и шест лица загинаа кога воен авион на суданската армија се урна во населено место во близина на воениот аеродром во градот Омдурман, соопшти канцеларијата за медиуми во провинцијата Картум, а воени извори велат дека меѓу загинатите има и висок командант.
Како што објави Ројтерс, несреќата се случила вчера вечерта во близина на воениот аеродром „Вади Саидна“ на северот од Омдурман. Суданската војска соопшти дека во инцидентот загинале неколку воени лица и цивили, но не наведе повеќе детали.
A Sudanese military Antonov aircraft crashed in Omdurman, north of Khartoum, on Tuesday evening, killing the crew and several military personnel on board. Eyewitnesses said at least five civilians on the ground were also killed and dozens injured when debris from the plane struck… pic.twitter.com/PS733snFLg
— Sudan Tribune (@SudanTribune_EN) February 26, 2025
Воени извори велат дека авионската несреќа најверојатно била предизвикана од технички причини. Канцеларијата за медиуми соопшти дека се повредени и 10 лица. Меѓу загинатите е и генерал-мајор Бах Ахмед, висок командант во Картум, кој претходно бил командант на армијата на целиот град, соопштија воени извори.