Претседателката на Европската комисија, Урсула фон дер Лајен, во видео-обраќање информираше дека ЕУ работи на сите полиња заради запирање на пандемијата од коронавирусот, вклучително и со поддршка на истражување и производство на вакцини.
Таа изјави дека ЕУ обезбедила до 80 милиони евра за да помогне на европска фирма за иновациски истражувања, која работи на нова технологија за производство на вакцини против Ковид-19.
„Се надевам дека со оваа поддршка ќе можеме на пазарот да ја имаме вакцината уште пред есента, што ќе овозможи да се спасат животи во Европа и во остатокот од светот“,
рече Фон дер Лајен.
Претседателката на ЕК ја истакна важноста за набавка на заштитна медицинска опрема и дистрибуирање, пред сè на медицински персонал, полиција и граничари.
„Низ цела Европа има голема потреба од маски, заштитни одела и друга опрема за заштита од вируси. Ние соработуваме со индустријата за производство на заштитна опрема и соработуваме со националните влади за да ја купиме оваа опрема заедно“,
рече фон дер Лајен.
The @EU_Commission works around the clock to address the coronavirus. The EU:
— Ursula von der Leyen (@vonderleyen) March 17, 2020
▪️brings home EU citizens stranded outside the 🇪🇺
▪️supports companies+people who risk losing their jobs
▪️accelerates & funds research to develop vaccines
▪️works w/ industry & govs on more equipment pic.twitter.com/hJURqecjC7