Вака изгледа речиси секое утро за Украинците уште од 24 февруари. Одиме во градот и не знаеме дали ќе се вратиме живи или ракета ќе удри по патот по кој возиме, напиша Гончаренко
Олексиј Гончаренко, пратеник во украинскиот парламент, објави видео од ударот на руската ракета врз градот Днепар кој се случи утринава.
„Ова е руски ракетен напад врз градот Днепар. Вака изгледа речиси секое утро за Украинците уште од 24 февруари. Одиме во градот и не знаеме дали ќе се вратиме живи или ракета ќе удри по патот по кој возиме“,
објави Гончаренко на Твитер.
This is a Russian missile attack on the city of Dnipro.
— Oleksiy Goncharenko (@GoncharenkoUa) November 17, 2022
This is what almost every morning of Ukrainians looks like, starting from February 24. We go to work and we don’t know if we will return from there or if a rocket will hit the road where we are going. pic.twitter.com/zb8cHHpN84
Сирените за тревога поради руски напади се огласиле низ Украина утринава, вклучително и во главниот град Киев. Неколку украински региони денеска се во состојба на готовност поради ракетните напади, а сирените за воздушен напад се огласиле во Одеса, Полтава, Днепропетровск, Суми и Николаевската Област, како и делови од Кировоградската Област.
Руска ракета го погоди пристанишниот град Одеса. Засега нема информации за евентуални жртви или материјална штета.
Исто така, сирените се огласија и во Запорожје и Херсон, кои се под контрола на Киев.
Локални функционери рекоа дека во Киев и Днепар работат системите за противвоздушна одбрана со цел соборување на проектили.