Во несреќата учествувале автобус со странски регистарски таблички, камион со домашни таблички и автомобил. На местото на настанот излегле надлежни полициски единици. Во несреќата се повредени 30 лица, од кои на 13 во Универзитетскиот клинички центар им била укажана медицинска помош и се пуштени дома
Околу 30 лица се повредени во сообраќајна несреќа која попладнево се случила на автопатот Приштина – Пеќ, кај местото Враголија.
Автобусот кој учествувал во оваа несреќа превезувал ученици од Прешево кои се враќале од Албанија од екскурзија.
Портпаролот на косовската полиција Бајрам Красниќи потврди дека во несреќата се повредени 30 лица и дека на местото на настанот пристигнале медицински екипи.
„Во 15:50 часот полицијата била известена за сообраќајна незгода што се случила на патот Приштина – Пеќ. Во несреќата учествувале автобус со странски регистарски таблички, камион со домашни таблички и автомобил. На местото на настанот излегле надлежни полициски единици. Во несреќата се повредени 30 лица. Известени се и медицинските екипи“,
изјави Красниќи.
На Универзитетскиот клинички центар им била укажана помош на 13 лица кои биле повредени во сообраќајната несреќа. По укажаната помош, пациентите биле во стабилна состојба и се пуштени дома.
„Пред околу еден час од сообраќајката беа донесени 13 лица, од кои седум студенти. Сите добија третман и се пуштени дома бидејќи не се тешко повредени“,
велат од клиничкиот центар.