При влез во Скопје од населбата Автокоманда, учесниците во сообраќајот се пренасочуваат кон Ченто, а оттаму кон населбата Маџари за влез во општина Аеродром за да се стигне до другите општини и Центар
Обилните врнежи проследени со силни грмотевици и ветар во одредени скопски општини, предизвикаа сообраќаен хаос во главниот град.
При влез во Скопје од населбата Автокоманда, учесниците во сообраќајот се пренасочуваат кон Ченто, а оттаму кон населбата Маџари за влез во општина Аеродром за да се стигне до другите општини и Центар.
Дополнително, сообраќајот низ булеварите „Киро Глигоров“ и АСНОМ е отежнат од паднати дрвја, лим, објекти во градба и друг градежен материјал.
Како што информиравме претходно, сообраќајот е дополнително отежнат поради срушена ограда од мост кој паднал врз две возила во движење во населбата Автокоманда.
Невреме денеска го зафати и регионот околу Тетово и Гостивар.