Прелиминарно, како резултат на терористичкиот напад во комплексот на концертната сала ‘Крокус’, во моментов има 40 мртви и повеќе од 100 повредени, нагласија од центарот за односи со јавноста на ФСБ
Најмалку 40 луѓе се убиени, а над 100 се ранети во вечерашниот напад во концертната сала „Крокус“ во предградие на Москва, соопшти центарот за односи со јавноста на ФСБ, објави РИА новости. Истражувачкиот комитет на Русија кажа дека нападот се третира како терористички, но засега нема информации кој стои зад него.
„Прелиминарно, како резултат на терористичкиот напад во комплексот на концертната сала ‘Крокус’, во моментов има 40 мртви и повеќе од 100 повредени“,
нагласија од центарот за односи со јавноста на ФСБ.
Најмногу петмина вооружени лица облечени во маскирни униформи се вмешани во нападот. Се верува дека најмалку еден успеал да избега и се трага по него.
Салата во која се случи нападот е оддалечена 20 километри од Црвениот плоштад во Москва. Новинската агенција РИА објави дека околу една третина од објектот е во пламен и дека покривот на салата се урива, а се верува дека внатре има уште луѓе.
На социјалните мрежи може да се видат видеа од уривање на покривот на концертната сала.
‼️ Partial roof collapse in the "Crocus City Hall" building in #Moscow pic.twitter.com/iXjAQA50ma
— NEXTA (@nexta_tv) March 22, 2024
⚡️⚡️ The roof began to collapse in the Crocus City Hall. There are people in the building. pic.twitter.com/ILDXuy6SCh
— NEXTA (@nexta_tv) March 22, 2024
Руските медиуми објавија дека во моментот на нападот во салата имало 6 200 луѓе, односно толку билети биле продадени за концертот на руската рок група „Пикник“. Максималниот капацитет на салата е 9 500.