За време на немирите демонстрантите фрлале запаливи средства и камења, при што биле запалени неколку автомобили. Во извештаите што ги пренесуваат локалните медиуми, се наведува дека голем број луѓе биле повредени, а сцената се опишува како „бојно поле“
Интервентната полиција во главниот град на Аргентина, Буенос Аирес, со солзавец и водени топови ги растера демонстрантите пред зградата на Конгресот, пред пратениците во Сенатот на Аргентина да дадат првично одобрение за реформите за намалување на буџетот и реформите на претседателот Хавиер Милеј.
Демонстрантите велат дека мерките ќе им наштетат на милиони Аргентинци бидејќи предвидуваат кратења на буџетот и на социјалните бенефиции.
За време на немирите демонстрантите фрлале запаливи средства и камења, при што биле запалени неколку автомобили. Во извештаите што ги пренесуваат локалните медиуми, се наведува дека голем број луѓе биле повредени, а сцената се опишува како „бојно поле“.
?⚡️URGENT : Argentine, la situation est en ce moment explosive près du Congrès argentin à Buenos Aires, les argentins en colère demandent le départ du President argentin, Javier Miliei qui depuis son arrivé a aggravé la situation sociale et économique du pays. pic.twitter.com/NZOUQNoiOc
— LE RIFAIN LA NOUVELLE DU FRONT (@rifain_nouvelle) June 12, 2024
Пакетот реформи, предложен од десничарскиот претседател Хавиер Милеј за заживување на болната економија во земјата, вклучува прогласување вонредна состојба, кратење на пензиите и либерализација на пазарот на труд, што според многумина е најава за намалување на работничките права. На мерките се спротивставуваат левичарските политички партии, синдикатите и општествените организации, пренесува Би-би-си.
No es Palestina, tampoco Ucrania; es Buenos Aires, que arde en protestas contra el “libertario” Milei.
— Juan el Mestizo (@elmestizojuan) June 12, 2024
Milei, en seis meses, convirtió a la Argentina en un estado fallido. pic.twitter.com/BvDm2yFAy7
Предлогот, кој првично во Сенатот имаше ист број гласови „за“ и „против“ (36-36), беше прелиминарно усвоен откако претседателот на Претставничкиот дом, потпретседателката Викторија Виљаруел го даде одлучувачкиот глас.
„За оние Аргентинци кои страдаат, кои чекаат, кои не сакаат да ги видат нивните деца како ја напуштаат земјата, мојот глас е потврден“,
рече потпретседателката и лидер на Сенатот Виљаруел.
Законот мора да помине и во Долниот дом за да биде усвоен.
Предлог-законот од 328 члена сега ќе се испитува точка по точка пред да се очекува целосно одобрување во четврток.
Во пресрет на усвојувањето на законот во Сенатот, демонстрантите скандираа: „Земјата не се продава, земјата се брани“, додека на еден транспарент пишуваше: „Како може шефот на државата да ја мрази земјата“.
Buenos Aires — Far-left extremists launched an insurrection at the Argentinian Congress to try to stop lawmakers from voting through President Milei’s tax overhauls. The militants hurled firebombs, set fires and attacked police. pic.twitter.com/8Vn9aaiK08
— Andy Ngô ?️? (@MrAndyNgo) June 12, 2024
Судирите избија во текот на денот, кога демонстрантите се обидоа да го пробијат патот кон Конгресот преку огради, фрлајќи камења кон полицајците.
Набљудувачите и опозициските пратеници рекоа дека десетици демонстранти и неколку пратеници морале да побараат лекарска помош, а најмалку пет пратеници од опозицијата биле хоспитализирани, изјави пратеничката Сесилија Моро, пренесува Би-би-си повикувајќи се на новинската агенција АФП.
Според официјални лица, најмалку 20 полицајци биле повредени, а уапсени биле 15 лица.
Кабинетот на претседателот Милеј објави соопштение во кое им се заблагодарува на безбедносните сили за потиснувањето на „терористите“ кои се обидуваат да извршат државен удар.
„Ќе ја промениме Аргентина, ќе ја направиме најлибералната земја во светот“,
рече Милеј на конференцијата во Буенос Аирес.
Хавиер Милеј ја презеде функцијата претседател минатата година, откако вети драстично намалување на јавната потрошувачка.
Тој дури мавташе со моторна пила на кампањата за да ја симболизира својата решеност да го стори тоа. Оттогаш, тој го преполови кабинетот, скрати 50 илјади јавни работни места, суспендираше нови договори за јавни работи и ги укина субвенциите за гориво и транспорт, додека годишната инфлација во Аргентина се приближува до 300 отсто.