Поддржувачите на бразилскиот, екстремно десничарски поранешен претседател Жаир Болсонаро упаднаа во Конгресот и Врховниот суд и ја опколија претседателската палата.
Драматичните сцени доаѓаат една недела по инаугурацијата на левичарскиот ветеран Луис Инасио Лула да Силва.
Приврзаниците на Болсонаро кои одбиваат да прифатат дека тој ги загубил изборите, ги пробиле полициските бариери во главниот град Бразилија. Полицијата употребила солзавец, но не успеалa да ги одбие демонстрантите. Тие ги скршиле прозорците, додека други стигнале и до салата на Сенатот, каде скокнале до седиштата и ги користеле клупите како лизгалки.
Многумина прават споредби со упадот на американскиот Капитол на 6 јануари 2021 година од страна на поддржувачите на Доналд Трамп, инаку сојузник на Болсонаро.
https://twitter.com/TobiAyodele/status/1612167756232773636?ref_src=twsrc%5Etfw%7Ctwcamp%5Etweetembed%7Ctwterm%5E1612167756232773636%7Ctwgr%5E9127b27520d95872fc7a2fa121fdefa897d0494c%7Ctwcon%5Es1_c10&ref_url=https%3A%2F%2Fwww.mkd.mk%2Fsvet%2Fvesti%2Filjadnici-privrzanici-na-desnicharot-bolsonaro-upadnaa-vo-brazilskiot-kongres-vrhovniotПоддржувачите на Болсонаро бараат воена интервенција и оставка на Силва – попознат како Лула, кој го победи својот екстремно десничарски ривал на изборите во октомври.
Болсонаро повеќе пати рече дека не сака да му ја предаде претседателската функција на Лула да Силва и ја доведе во прашање легитимноста на октомвриските избори на кои беше тесно поразен.