Лула за сцените видени во Бразилија рече дека се „акти на вандали и фашисти“. Тој ги обвини и безбедносните сили за „неспособност, лоша волја или злоба“ во неуспехот да ги спречат демонстрантите да се приближат до Конгресот
Бразилскиот претседател Луис Инасио Лула да Силва вети дека ќе ги казни поддржувачите на поранешниот лидер на земјата, Жаир Болсонаро, откако тие упаднаа во Конгресот.
Драматичните сцени со стотици демонстранти облечени во фудбалски дресови и знамиња на Бразил се случуваат една недела по неговата инаугурацијата. Полицијата во главниот град Бразилија употреби солзавец, но не успеа да ја одбие толпата.
Поддржувачите на соборениот лидер на екстремната десница упаднаа и во Врховниот суд и ја опколија претседателската палата.
Болсонаро постојано одбиваше да прифати дека ги загубил изборите во октомври и минатата недела ја напушти земјата наместо да учествува во инаугуративните церемонии.
Лула за сцените видени во Бразилија рече дека се „акти на вандали и фашисти“. Тој ги обвини и безбедносните сили за „неспособност, лоша волја или злоба“ во неуспехот да ги спречат демонстрантите да се приближуваат до Конгресот.
„Ќе откриеме кои се финансиерите на овие вандали кои отидоа во Бразилија и сите тие ќе платат за ова“,
кажа Лула.
На видео споделено од бразилскиот медиум „О Глобо“ се гледа дека некои полицајци се смеат и се фотографираат, додека демонстрантите го окупираат конгресниот кампус во позадина.
Инцидентите потсетуваат на упадот во американскиот Капитол на 6 јануари 2021 година од страна на поддржувачите на Доналд Трамп, инаку сојузник на Болсонаро.
🇧🇷Guys, we have a real cosplay of the American Capitol here – the protesters frolic in the National Congress of Brazil. pic.twitter.com/QxmZqD8rWW
— Тоби айоделе -Tboy🇷🇺 🇳🇬 (@TobiAyodele) January 8, 2023