Интервјуто со дополнителната заменик-министерка за внатрешни работи, Славјанка Петровска, во кое зборува за акцијата во Крушопек, проблемот со недостигот на пасоши, односите со министерот Чулев – ќе се емитува во емисијата „360 степени“ на ТВ Алсат вечерва од 22 часот
Министерот Наќе Чулев доби предупредување од италијанските власти дека издавањето информации во јавноста за акција што е во тек е крајно несоодветно, вели дополнителната заменик-министерка за внатрешни работи, Славјанка Петровска, во интервју за емисијата „360 степени“, која се емитува вечерва (21 февруари) од 22 часот на ТВ Алсат.
„Со издавање на информациите однапред и соопштување дека станува збор за огромна акција од страна на министерот Чулев, се информирани и структури што не треба да бидат информирани во тој момент дека во нашата земја се одвива акција“,
вели Петровска.
Според неа, најголеми последици за акцијата имало во Босна и Херцеговина, каде исто како и во земјава, била следена контролирана пратка на кокаин.
„И на крај, бидејќи акцијата е пробиена, не е постигнат посакуваниот ефект ододносно она што италијанските власти очекувале дека ќе се случи“,
вели дополнителната заменик-министерка во МВР.
Петровска во интервјуто открива и други детали за случајот.