Претседателот Стево Пендаровски во интервју за „360 Степени“ зборуваше и за актуелниот избор на претседател на САД и дали тоа може да влијае на земјава и регионот.
„Секогаш кога има избори во САД првото прашање е дали ќе се смени политиката кон регионов. Но, јас вака одговорам на тоа прашање … До пред четири години знаеме каква беше политиката на Барак Обама кон Балканот, ве молам покажете ми на која точка од овие невралгични прашања кои сè уште постојат на Балканот Трамп ја смени својата политика. Дали Трамп беше добар или лош ќе кажат американските гласачи, дали Трамп направи добри или лоши работи во однос на оние меѓународни алијанси во однос на европските партнери … Меѓутоа, во неколкуте клучни прашања кои чекаат да бидат решени во некое идно време кај нас во регионот, можеме да констатираме дека администрацијата на Трамп онаа што се занимава со Балканот беше апсолутно идентична во своите ставови и активности како сите претходни администрации и пред Барак Обама“,
рече Пендаровски.