Погледнете го новото издание на емисијата „360 степени”, емитувано на 22 април 2024 г. на МРТ 1, во кое гостуваат кандидатите за претседател на државата Стево Пендаровски („Коалиција за европска иднина“) и Гордана Силјановска-Давкова (коалиција „Твоја Македонија“)
Серијата разговори со седумтемина кандидати за претседател на државата ја заокружуваме во новото издание на емисијата „360 степени“ на МРТ 1 во кое гостуваат Стево Пендаровски и Гордана Силјановска-Давкова. Импресиите од синоќешното телевизиско соочување се една од темите. Пендаровски го прашуваме зошто е главно сам на митинзите, а со Силјановска – зошто на собирите настапува и лидерот на ВМРО-ДПМНЕ, Христијан Мицкоски. Области во кои шефот на државата има ингеренции, како и заложби од изборните програми на кандидатите, се исто така, меѓу темите за разговор. Ги отвораме и прашањата за уставните измени, односите со Бугарија и судбината на преговорите за членство на земјава во Европската Унија. Можен ли е бојкот во вториот круг од изборната трка е прашање до двајцата.