Погледнете го новото магазинско издание на емисијата „360 степени“ емитувано на 25 април 2024 г. на МРТ 1
Во новото издание на „360 степени“ на МРТ 1 погледнете детално како изгледаше изборната ноќ во штабовите на кандидатите за шеф на државата. Донесуваме и симулација на резултатот од гласањето во средата (24 април) во пратенички мандати под претпоставка дека имало парламентарни избори. Со универзитетските професори Владо Бучковски (поранешен премиер) и Александар Спасеновски (поранешен пратеник) разговараме зошто и најоптимистичките проекции на ВМРО-ДПМНЕ не предвидоа дека Гордана Силјановска-Давкова може да има предност од 180 000 гласа по првиот круг. Ако гласовите што ги добија кандидатите Македонци се околу 676 илјади, а за цензус во вториот круг (40 %) се неопходни најмалку 726 илјади гласа, може ли да биде доведена во прашање успешноста на претседателските избори на 8 мај? Дали веќе се препознава составот на новата влада?