Погледнете го новото издание на емисијата „360 степени”, емитувано на 17 февруари 2025 г. на МРТ 1, во кое гостува претседателот на Собранието, Африм Гаши
Претседателот на Собранието, Африм Гаши, кој гостува во новото издание на емисијата „360 степени“ на МРТ 1, мисли дека нашите пријатели нема да нè стават во ситуација да избираме, прашан какво значење имаат за С Македонија разликите меѓу новата американска администрација и Европа (за важни теми и вредносни прашања) на кои сведочиме во изминатите неколку дена. Гаши го прашуваме и што и како понатаму со блокираните преговори за членство во ЕУ откако по состанокот на министрите Муцунски и Георгиев во Минхен стана јасно дека новата влада во Бугарија не се согласува со репреговарање на договореното во летото 2022 година (т.н. француски предлог). Како би постапил Гаши ако премиерот Христијан Мицкоски каже дека почнува процедура за уставни измени за внесување на Бугарите под услов во исто време да се усвои и нов државен грб. Едно од прашањата е и до каде е најавениот закон за соодветна и правична застапеност по укинувањето на т.н. балансер од Уставниот суд. Разговараме и за интерпелацијата за пет члена на Судскиот совет, иницијативата за разрешување на државниот јавен обвинител Љупчо Коцевски (како ќе постапи Гаши ако добие предлог од Владата за разрешување со негативно мислење од Советот на јавни обвинители), како и за предлог-составот на Советот на АВМУ.