Со ширењето на пожарот, клубот и зградата се наполниле со чад, а оние што во тој момент биле во клубот и зградата биле заробени внатре
Најмалку 29 лица се загинати во пожар во зграда во Истанбул во квартот Бешикташ, на европската страна на градот, кој се проширил од ноќен клуб што се наоѓал во подрумот на зградата, пренесуваат турските медиуми.
Пожарот избувнал денеска околу 13 часот по локално време, а според првичните информации настанал од експлозија додека траело реновирањето на ноќниот клуб „Маскарада“, кој се наоѓал на долниот кат од 16-катницата на улицата Јилдиз Поста, во населбата Гајретепе, а кој бил затворен за време на рамазанскиот месец. Со ширењето на пожарот, клубот и зградата се наполниле со чад, а оние што во тој момент биле во клубот и зградата биле заробени внатре.
„Според првичните проценки, бројот на загинати е 29, а повредени се 15 лица, од кои 6 потешко. Се стравува дека бројот на загинати ќе се зголеми“,
пренесуваат турските медиуми.
Gayrettepe’de meydana gelen yangında 8 vatandaşımızın hayatını kaybetmesinden ötürü çok üzgünüz. 6’sı ağır 15 yaralımız var. Hayatını kaybeden yurttaşlarımıza Allah’tan rahmet, yaralılarımıza acil şifalar diliyorum. https://t.co/VFhdAaqQoo
— Ekrem İmamoğlu (@ekrem_imamoglu) April 2, 2024
Гувернерот на Истанбул Давут Ѓул рече дека причината за пожарот не е позната.
„Станува збор за просторот кој се користел како дискотека под објектот. Беше во фаза на реновирање. Како резултат на реновирањето животот го загубија и вработени. На местото на настанот од првиот момент интервенираа нашите полициски, здравствени и противпожарни екипи. Лекувањето на повредените продолжува во нашите болници“,
рече Ѓул.
И градоначалникот на Истанбул, Екрем Имамоглу рече дека пожарот избувнал за време на извршување на работи кои биле подрумот каде што се наоѓал ноќниот клуб.
„Се работи за незаконска интервенција, бидејќи не е пријавено реновирање на клубот. Нема пријава за реновирање или градба. Тоа е простор што не се гледа бидејќи е два ката подолу. Нема поплаки. Направена е незаконска интервенција“,
рече тој додавајќи дека ноќниот клуб имал лиценца добиена во 1987 година, а му била обновена во 2018 година.
Gayrettepe’de meydana gelen yangında 8 vatandaşımızın hayatını kaybetmesinden ötürü çok üzgünüz. 6’sı ağır 15 yaralımız var. Hayatını kaybeden yurttaşlarımıza Allah’tan rahmet, yaralılarımıza acil şifalar diliyorum. https://t.co/VFhdAaqQoo
— Ekrem İmamoğlu (@ekrem_imamoglu) April 2, 2024
Министерот за внатрешни работи Али Јерликаја на платформата Икс објави дека е почната истрага за пожарот.
„Работата на увид на местото на злосторството и собирањето докази продолжува, а тим од 3 стручњаци специјализирани за безбедност при работа и пожарникари продолжуваат да работат на причините за пожарот. Обвинението е поднесено против вкупно пет осомничени, меѓу кои три службени лица, одговорниот управител и едно лице одговорно за реновирањето. Донесено е решение за притвор. Истрагата е во тек“,
рече министерот за правда Јилмаз Тунч.
Beşiktaş Gayrettepe Mahallesi Gönenoğlu Sokak'ta yer alan 13 katlı binanın işyeri olarak kullanılan giriş katı yanmakta. Ekiplerimiz olaya müdahale ediyor. pic.twitter.com/LRxTaA1lIH
— İstanbul İtfaiyesi (@ibbitfaiye) April 2, 2024