Во Италија, бурата Киран најмногу штети предизвика во регинот Тоскана, каде има загинато шест лица, а две се водат за исчезнати
Бројот на загинати од бурата Киран, што од вчера ја зафати Европа, се искачи на 16 лица. Шестмина од загинатите се од Тоскана, Италија, која беше тешко погодена од невремето. Две лица, според италијанските медиуми, во овој регион се водат за исчезнати.
„Она што се случи синоќа во Тоскана има само едно име – климатски промени“,
изјави гувернерот на регионот, Еугенио Џијани.
Италијанската Влада прогласи вонредна состојба за да може на покраината да и се помогне финансиски и материјално, а првата државна помош вредна пет милиони евра, како што изјави премиерката Џорџа Мелони, е одобрена на министерскиот совет.
Во Фиренца, главниот град на регионот Тоскана, ситуацијата е критична, а нивото на водата на реката Арно го има достигнато максималното ниво.
Во општината Монтемурло, која исто така се наоѓа во регионот Тоскана, жителите ја вадат водата од куќите, подрумите и гаражите кои се поплавени, фрлајќи мебел покриен со кал и апарати за домаќинство.
Dangerous Flooding in Italy last night and this morning caused by Storm Ciaran.#StormCiaran #Ciaran #Italy #Flooding #Flood #HeavyRain #Climatechange #ClimateCrisis #ClimateAction pic.twitter.com/pgotWeHjSS
— Eco Discussion (@EcoDiscussion) November 3, 2023
Невремето, според италијанските медиуми, го зафати и североисточниот регион Венето, каде две лица се водат за исчезнати. Нивото на водата на реката По, најголемата река во Италија, за 24 часа е порасната за еден метар и се заканува да се излее.
Italy: Situation at Santo Stefano Hospital in Prato. Record-breaking rain caused flooding in a vast swath of Tuscany.
— The World Reviews (@tworldreviews) November 3, 2023
Three people have died as Storm Ciarán wreaked havoc in central and northern Italy overnight.#Italy #Flood #Weather #Climate #StormCiaran pic.twitter.com/1I8S2XgU12
Портокаловото предупредување за невреме, ризик од поплави и силен ветер на брегот на Тоскана од север до Пиомбино останува во сила, објавија претставници на регионот Тоскана. За утре, регионот издаде жолто предупредување за опасност од поплави и силни грмотевици во северозападна Тоскана, како и за невреме и силни ветрови во јужна Тоскана.
Severe flood in the Campi Bisenzio of Tuscany region, Italy ?? (02.11.2023)
— Shadab Javed (@JShadab1) November 3, 2023
Source: Brady#floods #flooding #CampiBisenzio #Tuscany #Italy #Storm #StormCiaran pic.twitter.com/aTpli6TQE8
Невремето Киран зафати и други делови од Европа каде неколку луѓе загинаа. Две лица загинаа во Белгија, двајца во Франција и по едно лице во Шпанија, Германија и Холандија.
Во Португалија, три лица загинаа откако нивната едрилица, под данско знаме, се насука на плажа на Атлантскиот Океан.
Невремето значително го прекина железничкиот сообраќај и во Белгија, најмногу во Фландрија.
Исто така, во пристаништето Антверпен прекинат е поморскиот сообраќај, а летовите на аеродромот во Брисел беа одложени.
Во Франција животот го загубија две лица, а повредени се 16 лица, од кои седум пожарникари. Нешто повеќе од половина милион домаќинства во Франција денеска наутро беа без струја.