Мобилната болница поставена близу Инфективната клиника во Скопје неделава ќе добие асфалтиран пристап. Градежните работници го расчистуваат теренот и велат дека од среда ќе почне асфалтирањето.
Мобилнo-воената болница ја подигна Армијата и таа по потреба би се активирала за хоспитализирање пациенти заразени со коронавирус.
Поставена е на просторот каде што беа бараките на поранешниот студентски дом Медицинар, а има капацитет за сместување на 130 пациенти.
Досега на Инфективната клиника од вкупно 130 легла, хоспитализирани се 75 пациенти, а мобилната болница е стратегиски поставена токму до неа – во случај на потреба, пациентите со полесна клиничка слика да се префрлат во воените шатори.