Макрон при посета на саем во францускиот град Лион беше погоден со јајце во главата, кое за среќа не се скрши. Меѓутоа ова не е прв напад на францускиот претседател. Тој на 8 јуни доби шлаканица од човек во публиката
Францускиот претседател Емануел Макрон беше погоден со јајце во главата за време на посетата на Интернационалниот саем за хотели, угостителство и храна во Лион.
Јајцето се одби од главата на францускиот претседател и не се скрши, а напаѓачот извика „Да живее револуцијата“. Мажот облечен во бермуди брзо беше совладан, уапсен и изнесен од зградата.
Au #sirha2021, @EmmanuelMacron victime d’un jet d’oeuf. Le projectile a rebondi sur l’épaule du Président de la République. Le jeune homme a été interpellé par le service d’ordre – IMAGES LYONMAG pic.twitter.com/n10POB2MEn
— Lyon Mag (@lyonmag) September 27, 2021
„Ако некој има нешто да ми каже, нека дојде“,
рече Макрон.
Емануел Макрон беше во друштво на тројца членови на владата: Ален Грисет, министер за мали и средни претпријатија, Женан-Батист Лемојн, државен секретар за туризам и Жулијан Денорманди, министер за земјоделство, пишува „РТ Франс“.
Ова не е првпат Макрон да биде цел на оние што не го поддржуваат. За време на патувањето во внатрешноста на Франција на 8 јуни, еден човек му удрил шлаканица. Тој беше осуден на 18 месеци затвор, од кои отслужи само четири.