Овие тврдења не се независно потврдени
Израелските одбранбени сили (ИДФ) соопштија дека убиле десетици борци на Хамас во текот на ноќта кога ги зајакнале своите копнени операции во Газа.
„За време на судирите со терористите во Појасот Газа, војниците на ИДФ убија десетици терористи кои се забарикадираа во згради и тунели и се обидоа да ги нападнат нашите сили. Во еден инцидент, авион на ИДФ нападна локација во зграда на терористичката организација Хамас во која имаше повеќе од 20 терористички оперативци на Хамас“,
се вели во изјава за печатот на ИДФ.
צה”ל המשיך במהלך הלילה בהרחבת הפעילות הקרקעית ברצועת עזה.
— Israeli Air Force (@IAFsite) October 30, 2023
בהיתקלויות עם מחבלים ברצועת עזה, חיסלו לוחמי צה”ל עשרות מחבלים אשר התבצרו במבנים וניסו לפגוע בכוחות. במהלך אחד מהאירועים, כלי טיס בהכוונת הלוחמים בשטח תקף מבנה כינוס של ארגון הטרור חמאס ובו מעל ל-20 מחבלים. pic.twitter.com/1sNuI7WxPe
Покрај тоа, во текот на изминатите неколку дена, ИДФ погоди повеќе од 600 терористички цели, вклучително и складишта за оружје, десетици локации за лансирање противтенковски ракети, како и засолништа и собирни места што ги користи терористичката организација Хамас, се додава во изјавата.
„Во текот на ноќта, војниците на ИДФ идентификуваа вооружени терористи и пункт за лансирање противтенковски ракети во областа на Универзитетот ’Ал-Азхар’ и испратија борбен авион да ги нападне“,
соопштија израелските одбранбени сили.
Овие тврдења не се независно потврдени.