Два силни земјотреса ја погодија Хрватска утрово. Првиот со јачина од 5,0 степени според Рихтеровата скала се случи околу 6:30 часот, а подоцна околу 7:50 часот, земјата повторно се тресеше со интензитет од 4,9 степени.
Potres u studiju tijekom emisije Hrvatskog radija "U mreži Prvog" pic.twitter.com/4sM6WHa1Dy
— HRT vijesti (@hrtvijesti) December 28, 2020
Европскиот медитерански сеизмолошки центар објави дека епицентарот на двата потреса е во близина на Петриње. Земјотресот бил почувствуван во Загреб, Риека и Сисак, каде што голем број граѓани излегле на улиците поради страв од нови потреси. Во целиот град се огласиле аларми на автомобилите, а според првичните информации во становите е причинета значителна штета.
Шефицата на Сеизмолошката служба на Хрватска, Инес Иванчиќ, ги предупреди граѓаните на можноста од нови земјотреси во наредните часови и денови во областа Петриња и Сисак.
„Ако магнитудата е пет, тогаш можноста за последователни земјотреси е многу веројатна“,
рече Иванчиќ.
Со неа се согласува и сеизмологот, Маријан Херак, од Геофизичкиот отсек на ПМФ во Загреб. Во изјава за ХРТ тој рече дека денешниот потрес дефинитивно не е дел од истата серија како оној загрепскиот од 22 март, туку станува збор за друго епицентрално подрачје и нагласи дека сигурно ќе има уште потреси во тоа подрачје.
Security camera captures #earthquake #potres in Sisak, Croatia. pic.twitter.com/Uu38RQqkY1
— mike (@MambaMike13) December 28, 2020
Два часа по првиот земјотрес, кој утрово ги погоди Петриња и Сисак, со јачина од пет степени, граѓаните сè уште беа на улиците поради стравување од нов потрес.
Во селото Брест Покупски, со околу двесте жители, речиси и да нема куќа што не е оштетена, пишува загрепски „Јутарњи лист“. Покривите на некои куќи се распукаа, а покривот на локалната месна заедница е сериозно оштетен.
Лустери, искршени кујни и испукани sидови е глетката во многу куќи. Весникот пишува дека центарот на Петриња претрпел значителни штети.
На теренот има пожарникари кои отстрануваат оџаци од одредени куќи и згради затоа што постои опасност од нивно уривање.
Во меѓувреме хрватскиот премиер Андреј Пленковиќ и претседателот Зоран Милановиќ пристигнаа во Сисак, придружувани од министерот за здравство Вили Берош.
„Дојдовме да ги поддржиме нашите сограѓани во Петриња и Сисак. Каква што беше годината, така и заврши. За среќа, тука нема голема штета“,
рече Пленковиќ.