Според податоците во моментов на вебстраницата на ДИК, од досега преброените гласови најмногу гласови има Беса 4 192, потоа ДУИ со 3 628, ВМРО-ДПМНЕ со 1 652, СДСМ со 1 137, ДПА со 528, Алтернатива со 446, Левица со 339, ГИ Ељмедина Абдуллахи со 340, Алијанса на Албанците со 294, ПЦЕР 157, ДПТМ 145, Интегра 74, ГИ Агон Заими 65
Членот на Извршниот комитет на ВМРО-ДПМНЕ Владимир Ѓорчев вечерва, од општинскиот штаб на партијата во Тетово прогласи убедлива на ВМРО-ДПМНЕ во однос на СДСМ на изборите за општински совет, истакнувајќи дека о ова власта на СДСМ и Ковачевски е делегитимирана од страна на граѓаните.
„Владата на Ковачевски вечерва од Тетово од граѓаните од народот од сите националности е делегитимирана. Имаме убедлива победа на ВМРО-ДПМНЕ во однос на СДСМ, и имаме убедливо опозиционо антивладино расположение“,
изјави тој.
Ѓорчев потенцираше дека на скоро сите избирачки места ВМРО-ДПМНЕ убедливо води, на некои места, како што рече двојно, а на некои тројно.
„Кога се ќе се собере кога сите досега населби, месни комитети, села, избирачки места ги ставиме на куп имаме ВМРО-ДПМНЕ 3 100, СДСМ 1 500. Повеќе од два спрема еден. И најважното, за Македонија. Ова е сигнал, ова е знак, ова е порака од Тетово која што порачува дека на нашата татковина Македонија и треба нова влада предводена од Христијан Мицкоски и ВМРО-ДПМНЕ, и треба на Македонија влада која ќе работи заедно со 50 градоначалници од ВМРО-ДПМНЕ и коалицијата, наспроти 10 градоначалници од СДСМ и коалицијата“,
рече Ѓорчев.
Тој им се заблагодари на сите граѓани за поддршката, потенцирајќи дека на Македонија и е потребно премиер кој што ќе ги реши проблемите на граѓаните.
За прогласувањето на победа на СДСМ во Центар Жупа, рече дека е апсурдно Ковачевски да прогласува победа на место каде што има само еден кандидат.
„Зар не е апсурдно Ковачевски да прогласува победа во Центар Жупа со еден кандидат. Тоа се избори каде што имаше само еден кандидат и ниту еден друг. Таму каде што има 11 листи тоа е во Тетово, најголемата општина каде што вечерва имаше избори таму убедливо победува ВМРО-ДПМНЕ заедно со граѓаните од сите националности“,
нагласи Ѓорчев.
За изборниот резултат во Маврово Ростуша, Ѓорчев рече дека дека нема да се откажат, бидејќи обвини дека на изборите за градоначалник имало жесток притисок од страна на власта, од полицијата, институциите врз граѓаните на Маврово Ростуша.
„Не се откажуваме, во Маврово Ростуша сме победувале и ќе победуваме. Изборите кои што таму се одржаа беа срам за власта, огромни притисоци, купување на гласови. Но кога ќе има парламентарни избори нема да можат да ја купат цела Македонија“,
рече Ѓорчев.
Според податоците во моментов на вебстраницата на ДИК, од досега преброените гласови најмногу гласови има Беса 4 192, потоа ДУИ со 3 628, ВМРО-ДПМНЕ со 1 652, СДСМ со 1 137, ДПА со 528, Алтернатива со 446, Левица со 339, ГИ Ељмедина Абдуллахи со 340, Алијанса на Албанците со 294, ПЦЕР 157, ДПТМ 145, Интегра 74, ГИ Агон Заими 65.
