Во утринскиот напад во Харков, три лица се ранети од руски ракети, соопшти градоначалникот на вториот по големина украински град, Игор Терехов
Русија масовно ја напаѓа енергетската инфраструктура на Украина, информира денеска преку Фејсбук украинскиот министер за енергетика Герман Галушченко.
Галушченко додаде дека компанијата за управување со енергетската мрежа го ограничила снабдувањето со електрична енергија за да се минимизираат штетите.
Најголемата украинска енергетска компанија ДТЕК објави дека Русија ги нападнала термоелектраните, „сериозно оштетувајќи ја опремата“. Локацијата на објектите не е соопштена.
Воздухопловните сили известија дека руските стратешки бомбардери ТУ-95 полетале во текот на ноќта, а подоцна објавија дека од Црното Море биле лансирани серија крстосувачки ракети „калибар“.
Awoke to see that fascist Russia is arranging a Christmas missile attack for democratic Ukraine – Russian Tu-95 bombers are in firing positions over the Caspian Sea, and Kalibr missiles just launched from warships in Black Sea. Video: The sound of Christmas morning in Ukraine. pic.twitter.com/dI0dkKHmUT
— Euan MacDonald (@Euan_MacDonald) December 25, 2024
Руските напади врз енергетската мрежа на Украина се засилија во пролетта, предизвикувајќи штети на речиси половина од инфраструктурата и оставајќи ја земјата без електрична енергија за долг период.
Во утринскиот напад во Харков, три лица се ранети од руски ракети, соопшти градоначалникот на вториот по големина украински град, Игор Терехов.
Украинските сили соопштија дека Харков бил цел на балистички ракети. Началникот на Обласната воена администрација, Олег Синегубов, прецизира дека нападот предизвикал штети на цивилна инфраструктура.