На социјалните мрежи се шират снимки на кои се гледаат голем број луѓе кои ги прескокнуваат срушените бариери во градскиот кварт Хаижу, кој се смета за епицентар на епидемијата во градот и е под се порестриктивен карантин од 5 ноември
Жителите на кинескиот Гуангжу, град под карантин поради коронавирусот, излегоа на улиците за да го покажат своето противење на строгите мерки против пандемијата. Снимките и сликите што кружат на социјалните мрежи покажуваат лути демонстранти како ги уриваат бариерите поставени од локалните власти, пишува Си-ен-ен.
На социјалните мрежи се шират снимки на кои се гледаат голем број луѓе кои ги прескокнуваат срушените бариери во градскиот кварт Хаижу, кој се смета за епицентар на епидемијата во градот и е под се порестриктивен карантин од 5 ноември.
An overnight breakout in #Guangzhou saw clashes with police as #ZeroCovid continues to come under pressure in #China. pic.twitter.com/T1dCHaGp9U
— Stephen McDonell (@StephenMcDonell) November 15, 2022
На едно видео може да се видат медицински работници во заштитна облека како стојат на страна додека бариерите се спуштаат и се обидуваат да разговараат со луѓето на улиците. Нема информации за бројот на демонстрантите и времетраењето на протестот. Телефонски оператор од владина канцеларија во округот Хаижу не сакаше да одговори на прашањето дали имало протести во последните денови.
At one point, workers who broke out of a #Covid lockdown in #Guangzhou turned over a police vehicle. Riot teams have been sent in. Itinerant labourers staying in Haizhu District say they’ve lost pay because they can’t get to work + food shortages and skyrocketing lockdown prices pic.twitter.com/NaVOp6CQLi
— Stephen McDonell (@StephenMcDonell) November 15, 2022
Инфекцијата се шири и покрај мерките
Јавните протести се исклучително ретки во Кина, а властите успешно го спречуваат секој обид за критика. Овој протест е јасен знак за зголемен гнев и очај кај јавноста поради строгото спроведување на стратегијата нулта ковид. Гуангжу денеска пријави повеќе од 5 100 нови случаи на коронавирус, од кои повеќето немаат симптоми.
Се поставува прашањето дали стратегијата на Кина за борба против коронавирусот навистина може да биде успешна, со оглед на новите варијанти на вирусот кои брзо се шират, пишува Си-ен-ен.
Кина вчера регистрира 17 909 случаи со ковид-19, а од нив 1 661 со и 16 248 без симптоми, јавија дел од британските медиуми повикувајќи се на кинеската државна здравствена комисија.
Еден ден претходно беа евидентирани 16 203 нови заразени лица, од кои 1 794 со и 14 409 без симптоми. Со исклучок на заразата внесена однадвор, Кина забележа 17 772 локални случаи, а од нив 1 621 со и 16 151 без симптоми.
Нема регистрирано нови смртни случаи, па така бројот на починати лица со ковид-19 останува 5 226, како и претходниот ден. Кина до вчера потврди 275 420 случаи на инфекции со симптоми.