Претставникот на Србија, Лук Блек, настапи со песната „Само ми се спава“, додека хрватските претставници „Лет 3“ настапија со песната „Шч“
На синоќешното 67. издание на Евровизија, во првата полуфинална вечер пред публиката се претставија 15 земји, меѓу кои и претставниците на Хрватска и на Србија.
Претставникот на Србија Лук Блек, настапи со песната „Само ми се спава“, додека хрватските претставници „Лет 3“ настапија со песната „Шч“.
Во ова полуфинале 15 земји се изборија за пласман во финалето кое е закажано за в сабота. Пет земји не поминаа понатаму.
По ревијалниот дел, презентерите најавија дека во финалето од првото полуфинале ќе одат Хрватска, Молдавија, Швајцарија, Финска, Чешка, Израел, Португалија, Шведска, Србија и Норвешка.
Земјите кои не се пласираа во финалето се: Малта, Летонија, Ирска, Азербејџан и Холандија.
Во ревијалниот дел настапи Рита Ора, големата британска ѕвезда по потекло од Приштина.
Фото: EPA-EFE/Adam Vaughan