Антивладините протести во Софија вечерва излегоа од контрола. Како што јавуваат бугарските медиуми, насобраната толпа пред зградата на Народното собрание фрлила и неколку шок бомби и петарди кон полицијата.
Полицајците побарале засилување и за кратко добиле и втор кордон како дополнителна заштита.
Повеќе улици во центарот на Софија биле блокирани, а во тој дел од градот за првпат од почетокот на протестите се проверувале чантите и багажот на сите кои пристигнувале на протестот.
Луѓето кои сакаат да протестираат се пропуштале преку специјален пункт.
Демонстрантите бараат оставка од премиерот на Бугарија, Бојко Борисов, како и оставка на Владата и на државниот обвинител Иван Гешев. Денеска е 56. ден по ред како се протестира.