Властите го подигнале предупредувањето за вулканот на највисоко ниво, апелирајќи жителите да не одат кон врвот на планината, поради можноста планината делумно да се урне во морето и да предизвика цунами, како што се случило во 1871 година
Повеќекратни ерупции на вулканот на планината Руанг во Северна Индонезија беа причина за евакуација на повеќе од 11 000 луѓе во регионот, како и на прекин на авиосообраќајот, пренесува Си-ен-ен.
Индонезиските власти стравуваат дека ерупциите на вулканот и одроните во морето можат да предизвикаат цунами. Вулканот која се наоѓа во провинцијата Северен Сулавеси, по првпат еруптирал пред два дена, а досега најмалку пет пати исфрлал лава и пепел.
Властите го подигнале предупредувањето за вулканот на највисоко ниво, апелирајќи жителите да не одат кон врвот на планината, поради можноста планината делумно да се урне во морето и да предизвика цунами, како што се случило во 1871 година.
„Силата на ерупцијата на планината Руанг станува сè поголема и емитира жешки облаци од приближно 1,7 километри. Ерупциите биле предизвикани од неодамнешните земјотреси во областа“,
велат индонезиските власти.
The explosion of the Ruang volcano in North Sulawesi, Indonesia 🇮🇩 (17.04.2024). Reminds me of similar explosions during Skanda’s period. Spoken about them in my video: https://t.co/ddfV8mhR3U pic.twitter.com/F26nly65TT
— Jayasree Saranathan (@jayasartn) April 18, 2024
Засега нема информации за жртви.
Според вулканолозите, планината Руанг е стратовулкан, а тие често произведуваат експлозивни ерупции поради акумулација на гас во карпестите форми. Островот Руанг е дом на околу 800 жители, кои привремено се преселиле на соседниот остров Тагуланданг.
Indonesia’s Mount Ruang Eruption, located in Sitaro Islands Regency, North Sulawesi it erupted on Tuesday (16/4) at around 07:19PM (local time). Hundreds of residents living in the Volcano Disaster Prone Area were evacuated.
— Aviana🔻 (@Vianasas) April 18, 2024
God this is so horrifying, do you see the magma?! pic.twitter.com/wNBW2AGy1W
Индонезија е архипелаг во Југоисточна Азија на кој има 120 активни вулкани, повеќе од кое било друго место во светот. Се наоѓа покрај Огнениот прстен, лак од сеизмички линии околу Тихиот Океан.
Во 2018 година, ерупцијата на индонезискиот Анак Кракатау предизвика негово соборување во морето, предизвикувајќи цунами што ги погоди бреговите на главните острови Јава и Суматра, при што загинаа повеќе од 400 луѓе.